Waxaa maanta lagu
aasay qabuuro ku dhex yaal isbitaalka Madiina ee magaalada
Muqdsho wasiirkii
howlaha guud ee xukuumadda Somalia Cabaas C/llaahi Siraaji oo xalay lagu dilay
magaalada Muqdisho.
Aaska marxuumka ayaa
waxaa ka qaybgalay qaar ka mid ah madaxda dowladda oo uu ka mid yahay ra'iisul
wasaare Xasan Cali Kheyre, Guddoomiye ku xigeenka labaad ee laarlamaanka,
wasiiro, xildhibaano iyo masuuliyiin kale.
Marxuumka ayaa waxaa
salaada Janaasada lagula tukadata masjid ku yaalla madaxtooyada Somalia,
waxaana ka qeybgalay salaada madaxweynaha Somalia Maxamed Cabdullahi Farmaajo
oo soo gaabiyay safarkii uu ku tegay Addis Ababa iyo madaxda kale ee Qaranka,
kadib waxaa loo qaaday qabuuraha isbitaal Madiina, halkaasi oo lagu aasay.
Ra’iisul wasaaraha
Soomaaliya Xassan Cali Kheyre oo goobta ka hadlay ayaa Alle uga baryay
marxuumka in uu jannadii ka waraabiyo qoyskii iyo eheladii uu ka tagayna uu
samir iyo iimaan ka siiyo, wuxuuna ra’iisul wasaaraha sheegay in cadaalada la
horkeeni doono raggii falkan ka dambeeyay.
Dowladda federaalka
ayaa la filayaa inay ku dhawaaqdo maalmo loogu baroor diiqayo marxuumka, iyadoo
raggii ka danbeeyay ee ka tirsanaa ilaalada hanti dhowrka guud ee falkaan
geystay maxkamadda ciidamada xabsiga.