Qarax ka dhacay xaafadda Xaawo Taako ee degmada Wadajir iyo booliska oo ku raad-joogay gaariga qarxay

Xaafadda Xaawo Taako ee degmada Wadajir ayaa waxaa maanta duhurkii ka dhacay qarax uu
sababay qaari walxaha qarxa laga soo buuxiyay kaas oo ay ciidamada boolisku ceyrsanayeen islamarkaana saacado kaddib markii la qabtay qarxay.

Raggii gaariga watay oo aha labo nin oo dhallinyaro ah ayaa mid ka mid ah oo la sheegay in uu darawalki ahaa ay toogteen booliska kaddib markii ay baaburka ka dageen islamarkaana ay damceen in ay goobta ka baxsadaan.

Booliska oo ay la socdeen qabeero  caddan ah oo qaraxyada qaabilsan islmarkaana mudo la tacaalayay in ay si nabad ah u fur-furaan qaraxa ayaynan u suuro gelin, waxaana ay ku wargeliyeen xaafadihii ka agdhowaa in ay isaga baxaan guryaha, iyagoona ugu dambeyn qarxiyay gaariga.

Inta la ogyahay darawalkii gaariga oo keliya ayaa ku dhintay falkaasi oo ay boolisku toogteen walow ay jiraan sida la sheegayo askar waxyeello kasoo gaartay.