DEG DEG: Matthijs de Ligt Oo Ugu Danbeyn Go’aan Ka Gaaray Kooxda Uu Ku Biirayo Xagaagan – Juve, Barca Mise PSG?

Daafaca kooxda Ajax Matthijs de Ligt ayaa doortay

Ciidanka gaarka ah ee Danab oo deegaano hoos taga degmada Marka kala wareegay Al-Shabaab


Ciidanka Danab ee xoogga dalka ayaa saakay Al-shabaab kala wareegay deegaanno hoostaga degmada Marka ee xarunta gobolka Shabeellaha Hoose.
Howlgallo amniga lagu xaqiijinayo ayay iminka ka wadaan gudaha deegaanka Ceel Saliin oo ay saakay la wareegeen, kaas oo dhanka waqooyi 20-KM kaga beegan magaalada Marka.
Saraakiisha ciidamada ayaa sheegay in dadka deegaanka ay soo dhaweeyeen ciidamada, iyagoona dhageystay afkaartooda iyo baahiyaha ay qabaan.
Muddooyinkan dambe gobolka Shabeelaha Hoose waxaa ka socda hawlgal baaxad leh oo ka dhan ah Al-shabaab, halka deegaanadii dhawaan laga saarayna ay ka socdaan hawlo shacabka lagu caawinayo maamulana looga hirgalinayo.

Maxaa Ugu Wacan Weerarka Ay Jamaahiirta Man United Ku Qaadeen Akoonka Rasmiga Ah Ee Kooxdu Twitter Ku Leedahay?

Taageerayaasha kooxda Manchester United ayaa maanta weerar ku qaaday akoonka Twitter ee kooxda iyagoo ka mudaharaadaya milkiilayaasha kooxda ee qoyska Glazers.

Taageerayaasha Red Devils ayaa aad uga careysan sida loo maalgelinayo kooxda iyo go’aanada ilaa iyo haatan la qaatay.
Waxaana taasi hoosta ka xariiqday Man United oo aan weli wax la taaban karo ka sameynin suuqa kala iibsiga.
Manchester United ayaa kaliya la soo wareegtay da’ yarka reer Wales Daniel James oo ay ka soo iibsadeen kooxda Swansea inkastoo lala xiriiriyay xiddigo badan oo waa weyn.
Taageerayaasha ayaana ka daalay sida kooxda loo maamulayo iyagoo ku eedeeyay Ed Woodward iyo qoyska Glazers inay kooxda hoos u rideen tan iyo markii uu Sir Alex Ferguson ka fariistay shaqada.
Maanta mar walba oo qoraal ama sawir la soo dhigo bogga rasmiga ah ee ay Man United ku leedahay Twitter waxaa looga jawaab celinayay hal ku dhiga #GlazersOut oo ay ugala jeedaan, Glazers ha baxaano.
Maanta kaliya Red Devils waxa ay Twitter soo dhigtay warbixin ku saabsan hay’adeeda tabarucaada, Victor Lindelof iyo Scott McTominay, waxaana mid walba looga jawaab celinayay in milkiilayaasha ay iska iibiyaan kooxda.
Taageere ayaa soo qoray: “Solskjaer waxaa la siiyay kaliya 100 milyan uu xagaagan suuqa ku kale. Kooxdaan waxaa maamulo doqomo. Glazers ha baxaan.”
Inta kale waxay ku soo celcelinayeen “#GlazersOUT”

Maxay La Kulantay Real Madrid Markii Dalab Ka Sareeya Kan Atletico Madrid Ay Ka Gudbisay Xiddiga Aadka Loo Qiimeeyo Joao Felix?

Joao Félix ayaa dhawaan la shaacin doonaa inuu yahay ciyaaryahan Atletico Madrid ah ka dib markii kooxda reer Spain ay ogolaatay inay bixiso lacagta lagu burburin karo qandaraaskiisa Benfica, sida ay sheegayaan warbaahinta Spain.

 Si kastaba, Real Madrid ayaa isku dayday inay saxiixiisa ka hoos xado kooxda deriskooda ah ee Atletico.
Real Madrid ayaa xilli danbe isku dayday inay la soo wareegto xiddiga aadka loo qiimeeyo ee Portugal oo 19 jir ah, kaasoo sidoo kale lala xiriirinayay Manchester United.
Jariirada Isbaanishka ee Marca, ayaa sheegtay in madaxweynaha Real Madrid Florentino Perez inuu Benfica u bandhigay 130 milyan euro oo ah in ka badan 10 milyan euro inta lagu burburin karay qandaraaskiisa.
Laakiin sida wargeyska uu sheegay ciyaaryahanka ayaa iska diiday inuu aado Real Madrid madaama uu goor hore go’aansaday inuu ku biiro Atletico Madrid.

Manchester City ayaa iyadana isku dayday inay ka soo qeyb gasho tartanka iyagoo miiska soo saaray 120 milyan euro laakiin waxay la kulmeen jawaab la mid ah tii ay Real Madrid ay heshay.
Joao Felix ayaa la filayaa in xilliga ugu soo dhow lagu dhawaaqo inuu ku biirayo Atletico Madrid, kuwaasoo shalay iyagana la soo wareegay xiddigii khadka dhexe ee Real Madrid Marcos Llorente oo heshiis shan sannadood ah u saxiixay.

Paul Pogba Oo Taleefan Ka Wacay Mid Ka Mid Ah Tababarayaasha Doonaya & Sababtii Uu U Wacay Oo la Ogaaday

Xiddiga khadka dhexe ee Manchester United

Ma ahan Real Madrid mana ahan Paris-St Germain… Kylian Mbappé oo doortay kooxda Barcelona

Weeraryahanka kooxda Paris-St Germain ee Kylian Mbappé ayaa

“Waxaan rajeynayaa inaan la ciyaaro xulalka Masar iyo Senegal” – Naby Keïta oo fariin u diray saaxiibadiis Saalax iyo Mané

Xiddiga kooxda Liverpool ee reer Guinea ee Naby Keïta ayaa

Mareykanka oo beeniyey in la qorsheeyey weerar ka dhan ah Iran

Saraakiisha Amniga Qaranka Mareykanka ayaa beeniyey warbixino ay warbaahinta ku sheegeen in madaxweyne Donald Trump uu ansixiyey weerar ka dhan ah Iran balse uu dib uga laabtay, sababo aan la shaacin dartood.
Trump ayaa markii horey ansixiyey weeraro ka dhan ah goobo cayiman oo ku yaalla Iran, sida goobo military iyo raadaar, sida uu qoray wargeyska New York Times.
Washington Post iyo warbaahino kale ayaa sidoo kale shaaciyey in madaxweynaha uu amray weerar jawaab ah.
Dhinaca kale, wakaaladda wararka Reuters ayaa sheegtay in saraakiil ka tirsan dowladda Iran ay u sheegeen inay Trump ka heleen fariin lasoo marsiiyey dalka Cuman, oo loogu sheegay inay fishaan weerar.
Reuters ayaa sheegtay in jawaabta Tehran ee deg degga ay ahayd inay ka digtay cawaaqib gobol iyo mid caalami ah, haddii Mareykanka uu weeraro kusoo qaado.
Ciidamada Ilaalada Kacaanka Iran ayaa shalay sheegay inay soo rideen diyaarad drone oo basaas ah oo Mareykanka uu leeyahay, taasi oo sida ay sheegeen kusoo xadgudubtay hawada dalkaas, meel ku dhow Marinka Hurmuz.
“Diyaaradda basaaska RQ-4 Global Hawk ee Mareykanka ayaa waxaa lagu dhuftay gantaal markii ay kusoo xadgudubtay hawada Iran ee dusha biyaha gobolka Hormozgan” ayaa lagu yiri bayaan kasoo baxay Ilaalada kacaanka.
Sarkaal Mareykan ah ayaa sheegay in diyaaradda lasoo riday ay tahay nooca MQ-4C Triton, hase yeeshee ay ku duuleysay hawada caalamiga ee Marinka Hormuz.

3 qof oo lagu helay dambiga...

Maxkamad ku taalla dalka Kenya ayaa saddex nin ku heshey dambi ah iney in Al-Shabaab ay ka gacan ku siiyeen weerarkii ay ku qaadeen Jaamac Gaarisa oo ay ku dileen 148 qof, kuwaasi uu badnaa Ardeydii Jaamacadaasi.
Mohamed Abdi Abikar, Hassan Aden Hassan iyo Rashid Charles Mberesero ayaa la xukumi doonaa 3-da bisha July ee soo socota, sida uu sheegey Francis Andayi oo ah madaxa garsoorka ee magaalada Nairobi.
Sahal Hussein oo kamid ahaa ahaa afarta nin ee loo heystey eedda la xiriirta gacan ku siinta Al-Shabaab ee weerarkii Jaamacadda Gaarisa ayaa dambi lagu waayey.
Labadii bisha April ee sanadkii 2015 ayaa afar nin oo hubeysan oo ka tirsanaa maleeshiyada Al-Shabaab ee xiriirka la leh ururka Alqaacidda ay weerar ku qaadeen jaamacadda Gaarisa.
Afarta nin ee waarerka geysatey ayaa iyagana lagu diley jaamacaddii ay weerarka ku qaadeen.
Kooxda Al-Shabaab ayaa weerarkaasi ku sheegtey fal ay uga aar-gudanaysay ciidamada Kenya oo Soomaaliya ka wada howl-gallo ka dhanka ah Maleeshiyada Alshaab oo halkaasi ay xaruntoodu tahay.
Weerarkii jaamacadda Gaarisa ayaa noqdey weerarkii ugu dhimashada badnaa ee lagu qaado gudaha dalka Kenya waxii dambeeyey weerarkii Alqaacidda ay ku qaaddey safaaradda Mareykanka ee Kenya sanadkii 1998kii halkaas oo lagu diley in ka badan 200 oo qof.

Madaxweynaha Shiinaha Xi Jinping oo ...


Caasimadda dalka Waqooyiga Korea ee Pyongyang waxaa saakay aroor (xilliga Afrika) ka dagay madaxweynaha dalka Shiinaha Xi Jinping kaas oo wadahadallo kula yeelanaya halkaasi hoggaamiyaha Waqooyiga Korea Kim Jong-Un.
Safarkan mr. Xi uu ku tagay Waqooyiga Korea ayaa noqonaya kii ugu horreeyay muddo 14 sano ah uu dalkaasi ku taho hoggaamite Shiineys ah, balse waxa ay mudodaasi inta u dhaxeysay ay afar jeer ku kulmeen gudaha dalka Siinaha.
Waxyaalaha ugu weyn ee ay ka wadahadli doonaan ayaa la sheegay in ay ka mid tahay wadahadallada hakadka galay ee u dhaxeeyay Mareykanka iyo Waqooyiga Kuuriga kaas oo la xiriira arrinta hubka nukliyeerka.
Booqashada Xi ayaa kusoo aadeysa xilli uu isbuuc qura ka dhiman yahayshirka waddamada G20 ee ka dhici doona dalka Japan halkaas oo lagu wado in mr. Xi uu kula kulmo madaxweynaha Mareykanka Donald Trump.
Booqashada mr. Xi uu ku joogo Waqooyiga Korea ayaa qaadaneysa mudo 2 casho ah

Masar oo didiay in la baaro geerida Mursi

Masar ayaa maanta ku eedeysay QM inay siyaasadeeneyso geerida madaxweynihii hore ee dalkaas Maxamed Mursi, ayada oo ku baaqeysa “baaritaan madax-banaan” oo lagu sameeyo sababta uu u dhintay.
Afhayeenka wasaaradda arrimaha diebdda Masar, Ahmed Hafez ayaa “sida ugu xooggan” u cambaareeyey baaqa afhayeenka guddiga QM ee xuquuqda aadanaha, Rupert Colville oo dalbaday in si madax-banaan loo baaro geerida Mursi oo Isniintii ku dhintay maxkamad ku taalla Qaahira.
Hafez ayaa sheegay in tani ay tahay “isku day ula kac ah oo lagu siyaasadeynayo geeri si caadi ah ku timid.”
Colville ayaa talaadadii dalbaday in la baaro haddii xaaladda xabsigii uu lixda sano ku jiray Mursi ay hoggaamisay dhimashadiisa.
“Geeri kasta oo deg deg ah waa inay daba socotaa baaritaan deg deg, cad, oo dhex-dhexaad ah, oo uu sameeyo guddi madax banaan” ayuu yiri Colville.
Xafiiska dacwad oogaha guud ee dalka Masar ayaa sheegay in Morsi oo 67 jir ahaa uu Isniintii ku dhacay maxkamadda Qaahira oo lasoo taagay kadibna uu geeriyooday.
Waxa uu intaas ku daray in Morsi uu u muuqday qof dhiifoon markii uu maxkamadda la hadlayey, hase yeeshee uu miir belay shan daqiiqo markii uu hadlayey kadibna uu dhacay.
Teleefishinka dawlada Masar ayaa sheegay in Mursi markiiba loola cararay cusbitaalka, laakin markii la geeyay uu u geeriyooday wax u muuqday wadnaha oo istaagay.

Abwaan Sangub oo geeriyooday

Abwaan Maxamuud Cabdullaahi Ciise Sangub ayaa maanta ku geeriyooday isbital ku yaalla magaalada Addis Ababa ee dalka Itoobiya.
Sangub ayaa ka mid ahaa abwaanada ugu weynaa taariikhda dalka Soomaaliya, isaga oo sameeyey ruwaayado iyo heeso badan oo caan ka ah dalka.
Sangub ayaa iminka ahaa guddoomiyaha golaha abwaanada Soomaaliyeed.
Warbixin ku saabsan taariikhdiisa waxaa magaalada Muqdisho nooga soo diray magaalada Muqdisho.

Madaxweyne Trump oo ku dhawaaqay in uu mar labaad u sharraxan yahay doorashada madaxweyne ee sannadka 2020-ka: SAWIRRO


Madaxweynaha dalka Mareykanka Donald Trump ayaa ku dhawaaqay in uu mar labaad u sharraxan yahay doorashada madaxweyne ee dalka Mareykanka, waxaana arrinkaasi kaga dhawaaqay olole loogu qabtay magaalada Orlando ee gobolkaasi Florida.
Khudbad uu ka jeediyay ololahan ayaa waxa uu aad uga hadlay horumarka uu Mareykanku ku tallaabsaday mudadii uu xilka hayay, waxaana ololaha doorashadan uu halhays ka dhigtay «Keep America great», xilli halhayska ololihiisii hore uu ahaa «Make America great again».
” – Maalin weyn ayay noo noqon doontaa maalinta doorashada. Horay waan ugu soo guuleysanay, hadana waan ku guuleysaneynaa. Waa in aan shaqada dhameystirnaa”, sidaa waxaa khudbaddiisa ku yiri madaxweyne Trump.
Waxa uu weerar afka ah ku qaaday xisbiga ay iska soo horjeedaan ee Dimuquraadiga, waxaana uu ku eedeeyay in ay dib u dhac ku hayaan dalka.
” – Waxa ay burburinayaal dalka, sidii aan uga baranayba, mana aqbaleyno. marnana ma dhaceyso”, ayuu yiri Trump.
Khudbad saacad qaadatay ayuu Trump ka jeediyay goobta ololaha, waxaana uu weerarkiisii xisbiga dimuquraadiga kasii waday bartiisa bulshada ee twitterka.
Horay ayaa waxaa loo hadal hayay in uu madaxweyne Trump dib uu isugu soo sharraxayo xilka madaxweyne doorashada sannadka 2020.

Mareykanka oo Kuuriyada Waqooyi ugu hanjabay in uu tir-tirayo

Safiiradda Mareykanka u fadhida golaha
ammaanka ee Qaramada midoobay,
Nikki Haley ayaa hoggaanka Kuuriyada Waqooyi uga digtay in gebi ahaan ba la burburinayo haddii uu dagaal qarxo.
Nikki Haley oo ka hadashay shir deg deg oo golaha ammaanka ee Qaramada midoobay ku yeesheen magaalada New York ayaa ugu baaqday dhamaan dalalka caalamka inay jaraan xiriirka diblomaasiyadeed iyo midka ganacsi ee kala dhaxeeya xukuumadda Pyongyang.
Ms Haley ayaa intaa ku dartay in madaxweyne Trump uu horay ugu booriyay dhigiisa dalka Shiinaha inuu joojiyo saliidda ceyriinka ee uu Shiinaha u dhoofiyo dalkaasi, kadib markii labada madaxweyne ay ka wada hadleyn tijaabadii gantaal ee ay sameesay Kuuriyada Waqooyi. Trump ayaa horay u sheegay in cunaqabateyn dheeraad ah lagu soo rogi doono Kuuriyada Waqooyi.
Kuuriyada Waqooyi ayaa shalay sheegtay in ay ku guulaysatay tijaabinta nooc cusub oo ah gantaallada ballistic loo yaqaanno ee qaaradaha isaga kala goosha, kaas oo gaari kara dhammaan qaaradda uu Maraykanku ku yaaallo.
War laga sii daayay telefishinka qaranka ayay ku sheegtay in Pyongyang ay hadda xaqiijisay hadafkeedii ahaa in ay noqoto dal quwad Nukliyeer ah leh.
Waa markii koobaad ee ay gantaal ballistic ah tijaabiyaan muddo labo billood ka badan. Saraakiisha milateriga ee Kuuriyada koonfured waxaa ay shegeen in gantaalkani uu dul maray bariga dalkaasi, kadib markii laga soo ganay meel u dhaw magaalada Pyongyang.
Khubaro ka faalooda arrimaha dalkaasi ayaa sheegay in xukuumadda Pyongyang ay horumarineyso gantaaladeeda, iyadoo uga gol leh inay ku bartilmaameedsato goobaha fog fog sida dalka Mareykanka.
Xarunta wasaarada difaaca ee Pentagon-ka Mareykanka oo ka hadlay tallaabadan ay qaaday Kuuriyada Waqooyi ayaa sheegay in tani ay u muuqato inay tahay gantaallada isaga kala goosha qaaradaha, waxaana la sheegay in gantaalkan ay riday Pyongyang uu socday masaafo dhan Kun kilomitir, kahor inta aanu kusoo dhicin badda Japan.

Sheeko Xiiso leh:Boqorkii soo dhaweynta jeclaa!



Waxa jiri jiray boqor jecel in uu kolba meel soo booqdo , waxaanu jeclaa meel kasta oo uu tago , in bulshadu u soo baxdo oo aad iyo aad u soo dhawayso , oo imaatinkiisa u dabbaal degto .

maalin maalmaha ka mid ah ayaa waxa uu boqorkii soo booqday tuulo yar , shicibkiina way u soo bexeen si ay boqorkooda u soo dhaweeyaan , waxa uu boqorkii arkay , koox odoyaal iyo wax garad isugu jirta oo meel halkaas ah iska fadhida , oo aan dan iyo daarrad toona ka lahayn soo dhaweynta boqorka , inta uu xagoodii u kacay ayaa waxa uu waydiiyay waxa ay u soo dhaweyn waayeen boqorka , intaanay u jawaabin ayaa boqorkii waxa uu gartay nimankii meesha fadhiyay qaarkood , wuxuu waydiiyey :

waar miyaanad hebel ahayn ? maxaa meeshan ku keenay ?

waar adiguna miyaanad ahayn mujaahid hebel ? maxaa meeshan ku keenay ?

waar adiguna miyaanad ahayn GEN hebel ? maxaa meeshan ku fadhiisiyay ?

al-lah waar adna maxaa meeshan ku keenay ?

maxaa meeshan miyiga ah isugu kiin keenay ?

maxaadse ii soo dhaweyn waydeen ? miyeydaan igaranayn ?

Boqorkii dalkanaw muddo dheer ayaa isugu keen danbaysay, waanu ka quusanay in aanu kula kulano , ilaa iyo maalintii aad xukunka dalka qabsatay , mid aan isku deyin in uu kula kulmo ma jiro , laakiin wasiirkaaga boqortooyada ayuun baa albaabka noo fadhiistay , waanu noo kaa siin deyn waayey . Waraaqo badana waanu kuu soo qornay wax jawaab ahna kaamaanu helin , kabacdina waxaanu ogaanay , in uu wasiirkaaga boqotooyadu isagu postaada furo , oo wixii uu doonaayo uun ku soo gaadhsiiyo , wixii aanu doonayna qashinka ku rido.

Dadkan aad moodayso in ay ku jecelyihiin ee kaa horyimi si ay kuu soo dhaweeyaan , wasiiradaadda ayaa soo laaluushay , oo waxay ugu balan qaadeen , haddii aad boqorka u soobanaan baxdaan oo aad soo dhaweysaan , waxaanu idinsiin doonaa , QADO BILAASH AH , shicibkuna wuu baahan yahay , oo wuu darxumaysan yahay , oo darxumada iyo dhibaatada ka muuqata waad aragtaa , oo dushoodaad ka garanaysaa , waxaana intaa u dheer  fakhri , gaajo , jahli , shaqo la’aan , iyo rajo xumo . caddalad darro , dulmi , xadhig , hanjabaad ….iwm .

Adigana booryahaw , dalka iyo dadka war aad ka haysaa ma jirto , oo niman shufto ah , ayaa isku kaa xeeray oo aan ogolayn cid wax kuu sheegta ama wax kula socodsiisa , waxa ay iyagu doonayaan mooyaane .

Boqorkiibaa yidhi : wixii lasheegaayey ayaa run ah ?

Oo maxay kuu sheegeen ?

waxa la lahaa : hebel wuu ku neceb yahay , Hebel;na jabhad kugu kacsan buu hogaamiyaa , Hebelna meelahaas buu kaa caayaa , Hebelna dalkaba wuu kaaga tegey baa la yidhi .

Waxaas oo dhan waxba kama jiraan , ee markii aanu waxba dalka ka qaban kari waynay , ee aanu waynay cid aanu u cabano , ama arimahan khaldan aanu u sheegno , oo wax ka qabata , ayaanu waxaanu door bidnay inaan laynaga dhex faa’ iidaysan , oo aanu sidan door bidnay , oo meeshan iska soo qabanay , laakiin waa nasiib wanaag , haddii qaddarku maanta noo kaa keenay , ee bal maanta wax naga dhegayso talo iyo tusaaleba .

Berigii aynu dib xoreynta dalka ku wada jirnay waxaad nagu odhan jirtay : marka aynui dalka dib u xorayno , waxaynu samayn doonaa in CADDALAD , DIMUQRAADIYAD , SINAAN , WALAALTINIMO, MIDNIMO la wada helo .

Hadaba wixii aad noo sheegi jirtay oo dhan lagaama hayo , maxaa ku dhacay ? xaggay wax ka khaldameen ? welina waa lagaa sugayaa ? anan waanu kaa sugaynaa weli balan qaadyadaadii ?

Boqorkii inta uu aad u yaabay , ayaa waxa uu wasiirkiisii boqortooyada ku yidhi : waar nimankan meel u bannee weftiga hasoo raaceene .

wasiirkii boqortooyada inta uu hoos u hadlay a, ayuu yidhi waayahay , kabacdina wuxuu yidhi markii uu boqorkii libdhay , waar meel banaan oo aan idinku qaado mahayo iminka , ee weftigu marka uu soo noqdo haynoo ahaato , waan idinsoo mari doonaaye .

Ninkii wax garadka ahaa intuu boqorkii isku sii daayey ayuu ku yidhi : waxaad ogaataa , boqorkii kaa hereeyay intuu maalin halkan soo maray , ayuu ku dhintay , oo xabaalahaa halkaa ka muuqda ayaa lagu aasay , maalmo yar ka bacdina waxaa dhintay nin miskiin ahaa oo waalaa oo magaaladan joogi jirey isna xabaalahaa ayaa lagu aasay , Muddo yar kabacdina waxaa dhacay roob mahiigaan aha , oo xabaalihii soo faqay ,






Subscribe to: Posts (Atom)